မုံရွာမြို့ပေါ်တွင် စစ်သားများ ပစ်ခတ်ခံရမှုအခြေအနေ ဆက်သွယ်မေးမြန်းချက်

การดู 1,677 ครั้ง 8 พ.ย. 2022
စစ်ကိုင်းတိုင်း၊ မုံရွာမြို့ပေါ်ရှိ ပြည်တော်သာအဝိုင်းတွင် စစ်ကောင်စီတပ်ဖွဲ့ဝင် ၈ ဦးစီးနင်းလာသည့် ကားတစ်စီးကို မုံရွာ PDF၏ တပ်ရင်းတစ်ခုဖြစ်သည့် သံမဏိတပ်ဖွဲ့က ယမန်နေ့(နိုဝင်ဘာ၇)မွန်းလွဲ ၃ နာရီတွင် တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၆ ဦးသေဆုံးခဲ့သည်ဟု သိရသည်။

အဆိုပါ စစ်ကောင်စီတပ်ဖွဲ့ဝင်များမှာ မုံရွာ-သာစည်လမ်းမပေါ်ရှိ ကျောက်စစ်ပုံရွာတွင် ဖဲရိုက်ပြီး ပြန်လာသည်ကို ဒေသခံကာကွယ်ရေးအဖွဲ့က သတင်းကြိုရကာ ကြားဖြတ်တိုက်ခိုက်ခဲ့ခြင်း ဖြစ်သည်။ ပစ်ခတ်တိုက်ခိုက်ခဲ့သည့်နေရာမှာ အမြှောက်တပ်နှင့်နီးကပ်သလို ပစ်ကွင်းမရှင်းသဖြင့် ပစ်ပြီးပြန်ဆုတ်ခဲ့ရသောကြောင့် ရန်သူ့လက်နက် မကောက်ယူနိုင်ခဲ့ဟု မုံရွာသံမဏိတပ်ဖွဲ့ ‌ခေါင်းဆောင် ကိုသံမဏိက ပြောသည်။

သေဆုံးသူအရအတွက်နှင့်ပတ်သက်၍ သီးခြားအတည်ပြုနိုင်ခြင်း မရှိပေ။