Zelensky shmanget nga takimi me Putin/Po ishte në samitin e G20 nuk marr pjesë

Ndonëse e gjithë bota pret një takim mes presidentit të Ukrainës, Volodymyr Zelensky dhe atij rus për të diskutuar rreth mundësive për t’i dhënë fund luftës së përgjakshme, duket se dy liderët nuk janë të bindur se është koha e duhur.
Një reagim i fundit i kreut të shtetit ukrainas tregon se ai nuk është i gatshëm të takohet me presidentin rus, edhe në forume apo samite të ndryshme ndërkombëtare, në praninë e dhjetëra liderëve të tjerë.
Zelensky mësohet të jetë shprehur se nëse Vladimir Putin do të jetë i pranishëm në samitin e G20 që do të mbahet së shpejti në Indonezi, ai nuk do të marrë pjesë..
Samiti i G20-ës i vitit 2022 do të mbahet në Indonezi më 15 nëntor. Zelensky dhe presidenti rus Vladimir Putin janëtë dy të ftuar për të marrë pjesë në punimet e tij.
Shumë vende perëndimore ndërkohë kanë shprehur qëndrimin se nuk është e moralshme që rusia të ulet në një tryezë me ta për shkak të ofensivës në Ukrainë që ka nisur që prej muajti shkurt dhe që ka marrë mijëra jetë.
Momentalisht të vetmi ndërmjetësim frytëdhënën mes Ukrainës dhe Rusisë e ka bërë Turqia, lideri i së cilët mundësoi së fundmi rinisjen e eksportit të grurit nga portet e odesës për të shmangur një krizë globale ushqimore.