អ្នកណានៅពីក្រោយការធ្លាយបំពង់បង្ហូរហ្គាស Nord Stream របស់រុស្ស៊ី

អ្នកណានៅពីក្រោយហេតុការណ៍ធ្លាយបំពង់បង្ហូរឧស្ម័នរបស់រុស្ស៊ី?

នៅក្នុងវីឌីអូលើកមុនយើងបានរាយការណ៍ថាមានការធ្លាយបំពង់បង្ហូរឧស្ម័នរាវ LNG របស់រុស្ស៊ី ចំនួន២កន្លែង។ តាមរបាយការណ៍ថ្មីៗរបស់ណាតូ មានការធ្លាយដល់ទៅដល់បួនកន្លែង ដែលអាចបណ្តាលឱ្យបំពង់បង្ហូរឧស្ម័ននេះចូលទឹកសមុទ្រទៅជាច្រែសចាប់ និងមិនអាចដំណើរការបានជារាងរហូតបើសិនមិនត្រូវបានជួសជុលទាន់ពេលវេលា។
អ្នកជំនាញភាគច្រើនច្រាន់ចោលគ្រោះធម្មជាតិថាជាមូលហេតុនៃការធ្លាយនេះ។ ពួកគេយល់ស្របគ្នាថាវាការបំផ្លាញដោយចេតនា។ រហូតមកដល់ពេលនេះ មានចម្ងល់ជាច្រើនថាតើអ្នកណាជាអ្នកនៅពីក្រោយព្រឹត្តិការនេះ។ រុស្ស៊ីចោទអាមេរិកនិងអង់គ្លេសថាជាមេក្លោង ខណៈដែលអាមេរិកចោទថារុស្ស៊ីធ្វើខ្លួនឯង។ ទោះជាយ៉ាងណាក៏ដោយ ព្រឹត្តិការនេះត្រូវបានគេយល់ឃើញថាជាការឆ្លងបន្ទាត់ក្រហម ដែលអាចបណ្តាលឱ្យមានជម្លោះនុយក្លេអ៊ែរ។
គួរបញ្ជាក់ថា សង្គ្រាមរុស្ស៊ីនិងអ៊ុយក្រែន ដែលបានចាប់ផ្តើមកាលពីថ្ងៃទី ២៤ ខែកុម្ភះឆ្នាំ២០២២ បានឈានដល់ខែទី៩ហើយ ប៉ុន្តែនៅតែមានសញ្ញាថាតើវានឹងអូសបន្លាយដល់ពេលណាឡើយ។
ព្រឹត្តិការធ្លាយបំពង់បង្ហូរឧស្ម័ន បានកើតឡើងក្រោយពីរុស្ស៊ីសម្រេចចិត្តធ្វើប្រជាមតិ នៅថ្ងៃ ២៥-២៧ ខែកញ្ញា ២០២២ នៅតំបន់ Donetsk, Luhansk, Kherson and Zaporizhzhia ដែលនាំទៅដល់ការកាត់យកខេត្តទាំងបួនចូលទៅក្នុងទឹកដីរុស្ស៊ី ដែលហេតុការណ៍នេះ បណ្តាលអោយអ៊ុយក្រែនបានបាត់បង់ ផ្ទៃដីយ៉ាងហោចណាស់៩០០០០គីឡូម៉ែត្រការី ត្រូវជា ១៥% នៃផ្ទៃដីសរុប។ កាត់បាត់បង់ដីដ៏ធំសម្បើមនេះ ធ្វើឱ្យអ៊ុយក្រែនធ្លាក់ពីប្រទេសដែលមានផ្ទៃដីធំបំផុតទី២បន្ទាប់ពីរុស្ស៊ី មកនៅលេខ៣វិញ ហើយបារាំងក្លាយជាប្រទេសដែលមានផ្ទៃដីធំបំផុតទី២វិញ។

#រុស្ស៊ី #អាមេរិក #អ៊ុយក្រែន

Subscribe to my channel:
https://www.youtube.com/channel/UCbT5SfWF1kr47yb6P0b06zw?sub_confirmation=1

សូមបញ្ជាក់ថាឆាណែលយើងខ្ញុំមិនមែនជាម្ចាស់នៃវីឌីអូនិងរូបភាពទាំងឡាយនៅក្នុងវីឌីអូនេះទេ។ យើងយកវាមកពីប្រភពផ្សេងៗដោយគោរពតាមគោលការណ៍នៃការប្រើប្រាស់ដោយសមស្របតាមការណែនាំរបស់ យូធូប តែប៉ុណ្ណោះ។