Bill Gates yemeje ko vuba hagiye kuza ikindi cyorezo/Yahamagariye za Leta gukora inkingo hakiri kare

Umuherwe Bill Gates yatangaje ko nubwo cyorezo cya covid-19 cyagenjeje make , hadafashwe ingamba zikakaye hashobora kwaduka ikindi cyorezo.

Bill Gates aganira n’ikinyamakuru CNBC yemeje ko nubwo ingaruka za Covid-19 zikomeje kugabanuka mu gihe cya vuba hagiye kwaduka ikindi cyorezo.

Bill gates yatangaje ibi ubwo yaganiraga n'umunyamakuru Hadley Gamble wa CNBC nyuma y'inama ngarukamwaka yiga ku mutekano w'isi yateranye kuwa gatanu tariki 18 Gashyantare i munich mu budage.

Mu ijambo rye yavuze ko iki cyorezo gishya gishobora kuzaterwa na virusi (Pathogens) itandukanye n'iyateye covid-19. Gates yongeyeho ko aho isi igeze mu ikoranabuhanga bashora kugikumira no kukirwanya hakiri kare.

Ati "Hagiye kuza ikindi cyorezo , kizaterwa n'indi virusi itandukanye n'iyateye Covid-19" Bill Gates abwira umunyamakuru

Imyaka ibiri ishize Covid-19 yadutse tumaze kuyitsinda

Imyaka ibiri irashije covid-19 yadutse ndetse ihitana benshi, Bill gates abona ingaruka zikomeye zayo abatuye isi barabashije guhangana nazo. Gates yavuze ko benshi mu batuye imibiri yabo yagize ubudahangarwa bwo kuyirwanya ndetse ko ubukana bwayo bwarangiranye n'ubwoko bwayo bwaherukaga bwitwa Omicron.

Mu busanzwe iyo icyorezo kimaze gusakara, kiremamo ubushobozi bwo kuba mu mubiri w'umuntu kitawuhungabinyije bikarangira kiwuvuyemo. Ibi nibyo Gates yahereyeho yemeza ko Covid-19 yabashije kwivana mu mubiri wa muntu mu bice bitandukanye by'isi kuruta uko inkingo zabikoze.

" Kenshi kuzahazwa n'iki cyorezo byasabaga ko uba urwaye indwara zirimo diyabete , umubyibuho ukabije cyangwa ukaba ushaje cyane n'ibindi. Ibi rero byaragabanutse bigaragara kubera ko icyorezo cyasakaye hose "

Bill Gates yanenze za ibigo byatinze gukora inkingo za Covid-19 ndetse anatanga igisubizo cyahangana n'icyorezo kizaza.

Bill gates yavuze ko bitari gushoboka ko intego y'umuryango mpuzamahanga ushinzwe ubuzima (WHO) igerwaho yo gukingira 70% by'abatuye isi hagati mu mwaka wa 2022. Kugeza ubu 61.9% by'abatuye isi batewe byibuze urukingo rumwe rwa Covid-19.

Gates yongeyeho ko isi ikwiye kwihuta mu gukora inkingo z'ibyorezo anahamagarira za Leta kugira icyo zikora nonaha. Ati" Ubutaha dukwiye gukora inkingo mu mezi atandatu aho kuzikora mu myaka ibiri. Ikiguzi cyo kwitegura no kwirinda icyorezo kizakurikira ntabwo gihambaye, si kimwe n'icyo guhangana n'ihindagurika ry'ikirere. Nidukoresha ubwenge tuzahangana nacyo hakiri kare " Gates abwira Gamble

Umuryango Bill & Melinda Gates bafatanyije n'ikigo UK Wellcome Trust bamaze gutanga arenga miliyari 300 frw ( 300 Million USD) ku kigo CEPI ( Coalition For Epidemic Preparedness Innovations ) yo gufasha ibihugu bikennye kubona inkingo za Covid-19.

Iki kigo CEPI kizobereye mu gukora ubushakashatsi bwo guhangana n'ibyorezo cyemeje ko kiri gukusanya arenga miliyari 3.5 $ yo kubaka ubushobozi bwo gukora inkingo z'ibyorezo mu minsi 100 gusa. (Amezi 3).
____________
Click the following links to Subscribe to our Channels

ITABAZA TV: https://www.youtube.com/c/ITABAZA​
https://itabaza.org/​

Warning: Before Using Any piece of this Video, Please Contact Us. Unauthorized Use is a Violation of Laws

Icyitonderwa: Mbere yo gukoresha igice icyo ari cyo cyose cy’iyi videwo, banza utuvugishe. Kubikora utabifitiye uburenganzira ni ukurenga ku mategeko

Contact us:
Email: Info@itabaza.org
itabazatv@gmail.com
Facebook: https://web.facebook.com/itabaza.org/​
https://www.facebook.com/ItabazaTV/​
Twitter: https://twitter.com/ItabazaMedia
https://twitter.com/ItabazaTV​
IG: https://www.instagram.com/itabazatv/​

#ITABAZA
#ItabazaTV​
#Rwanda