صراع الذات - Luminous Shade (Official Music Video)

صراع الذات - Luminous Shade ( Official Music Video )

مؤدي المقطع الأول والرابع : محمد آدم الأمين (ALADaM)
فيس بوك :
https://www.facebook.com/ALADaM07
انستغرام :
https://www.instagram.com/aladam7
يوتيوب :
https://www.youtube.com/aladamaladam

مؤدي المقطع الثاني والثالث : فراس شالاتي
فيس بوك :
https://www.facebook.com/ghost.rap.963
انستغرام :
https://www.instagram.com/firas__shalati

غناء الكورس : عمار محمد
فيس بوك :
https://www.facebook.com/ammar.mohama...
انستغرام :
https://www.instagram.com/ammar.m0hmmad
يوتيوب :
https://www.youtube.com/channel/UCMhB...

أداء فرقة Luminous Shade

الصفحة الرسمية للفرقة على الفيس بوك :
https://www.facebook.com/luminous.shade

هندسة صوتية : فراس شالاتي

مشاهد تصويرية من فيلم الشتات

انتاج الفيديو : محمد الأحمد

فيس بوك :
https://www.facebook.com/profile.php?id=100005992116003
يوتيوب :
https://www.youtube.com/channel/UCSn7MCN_ZqEu1I0wZyMDwtw

كلمات الأغنية :

لما بيبدا صراعنا مع الذات بتكون كل الأطراف فيه خسرانة
لهيك الأفضل نرفع الراية البيضاء قبل ما نفوت بهيكـ حرب وسخة
رح نخسر فيها كلشي , لكـ رح نخسر فيها حتى حالنا

المقطع الأول - محمد آدم الأمين (الآدم) :

الدنيا علمتني إني بالواقع ارضى
الدنيا عودتني أحرق أحلامي ومنها اصحى
من صغر سني وأنا وحيد بدون سند
كبرت ومرت الأيام تعلمت ع حالي استند
سجل عندكـ أنا اللي ولد من رحم الحرب
كل ضربة هاون إلها الفضل بتكوين شخصيتي
سجل عندكـ أنا اللي بشبابي أكلت الضرب
عم رمم مستقبل سميتو شجرة خريفي
وراقها سقطت قدامي بحسرة لملمتا بإيديي
دموعي عم تسقيها لكنها ما بتعيش ماتت
إكرام الميت دفنو دفنتها كان قبرها فيني
معها اندفنت إحتمالات نجاتي أيامي ضاعت
خياري واضح كان وحيد هو استسلامي
كيف بوصل لسلام جواتي بتقبل قدّر لذاتي
صار عليي فرض إني كفّي لوحدي
ما حدا بكفو ماسكـ كفي , كأني معفي من دوري بحياتي , منفي واقف ع هامش قصتي ناطر

الكورس - عمار محمد :

ناطر أمل مسجون عـ حدود وطن منفي
مسافر لبعيد وشايف السما علينا بتبكي

المقطع الثاني- فراس شالاتي :

قاتم بوجه عابس كـ ريف نائم
محقون بمخدر عـ إحساسي صائم
الكاهن هو ذاتو تركـ فيني جرح دائم
كنت مفكرو سند طلع على دبحي قائم
قانون الغاب اصبح كـ ثائر الوغد
سيف مغمد بالعهر كافي ليفك العقد
قانون الإنعكاس اقتلع جذور بنيتها من سنين
فـ عقل اللاوعي رجعني لطفل جنين
أنا كـ سقراط برفض الهرب من زنزانة إعدام
لأن الهارب خائف والخائف لا ينام
فـ تعودت كون صاحي قد ما أكلت من الدنيا ضرب
وينو يلي خلق هي الدنيا وما خلق عدل
دبلوا عيوني من التعب فـ زاد علي الحمل
فـ انصبت بـ وهن بالتفكير حتى وصلت لحافة القبر
فـ تلبس وجهي حزن فـ ادعوا إني كافر لأن نطقت أنا بـ حقها لـ هي الأرض

الكورس - عمار محمد :

قالوا عني كافر فـ صارت الجنة علي نار
واقف من المستقبل خايف بأرض الشام أنا المحتار

المقطع الثالث - فراس شالاتي :

سهران وبين جفوني ألف دمعة ميتة
متكفن بحبال الموت ورغم الحزن بخلق بسمة
طريقي كلو معتم مستقبلي أكبر كذبة
كبر الجرح جوا قلبي وخلق فيني ندبة
متناغم مع الألم فـ بسكر عالإيقاع
متماسكـ رغم الحزن والعمر مني ضاع
محتاج لغيبوبة تعزلني عن هي الدنيا
الصمت بعرف متعب والدني أكبر زانية
تعودنا نخفي الوجع من كتر ما شلنا هموم
عم أحضن حالي لأنو حنية الأب والأم محروم
الزمن كسر فيني فـ احتضنت خيبة أمل
الكآبة أكلت من ضلوعي الألم غير محتمل
الوردة لما تعطش بتدبل بتموت
الروح فينا ماتت وتكفنت بـ تابوت
الإحساس فينا اتهمش والسند ما عاد موجود
مكبل ب محكمة الدنيا وبظلمها أنا مسجون

الكورس - عمار محمد :

ساهر أنا بهالليل و كاسي مليان دموع
ضاعت مني ذاتي حتى الحلم ممنوع

المقطع الرابع - محمد آدم الأمين (الآدم) :

تعلم تكون منافق حتى شعبكـ يصحى
كون الذنب جزء من الصفات ينام ويضحى
الساهر عـ المرارة كأنو مؤمن في وسط دعارة
عم نضّف نفوس وأنا مملوء بالقذارة
لكون الفاعل المؤخّر , المشتق المبخّر
للعبادة مسخّر , الكبائر عندي شرّ مصغّر
متناقض مع نفسي , منقوض المفقود
أنا محرّم الموسيقى ومسائي عازف عـ العود
أنا كوثر من الجنة منبعي جهنم
أنا يسوع بدون الرحمة أنا الأخرس المتكلم
أنا ناب بفكـ الديب يللي نهش بلحمي
بحرض عـ القتل , لكني عم نادي على الرحمة
ناقد في وسط أمّي , لكـ حتى أمي ناقدة فيني
ناقض للعهد ومتعهد إني أنقد نقضي فيني
أنا كلمة الحي مزيّن بتاء الخيانة
خانتنتي حتى نفسي فمستني يستسلم نبضي ليمشي بإستقامة

الكورس - عمار محمد :

مستسلم أنا هربان , جسدي مخدر تعبان
ما بين واقع قاتم وبين كذبة سموها الحياة