متزعلش

متزعلش
لما تمشي في طريق وتحس انه اتسد واتقفل في وشك
متزعلش
لما يكون قدامك فرصه شغل شايفها ممتازه وفجأه تروح منك
متزعلش
لما تيجي تتجوز او تخطب وبعدها الموضوع ميكملش لظروف خارج ارادتك
متزعلش
لما تبدأ مشروع و ميكملش او يفشل رغم محاولاتك
متزعلش
لما تفكر تشتري حاجه نفسك فيها وتلاقيها صعبه عليك ومش عارف تجيبها
نِعم ربنا مش شرط يحققهالك في تحقيق هدف او حلم.. ممكن يمنع عنك حاجات كتير فيها شر.. ربنا عارف المستقبل وخباياه.. وعارف الاقدار خيرها وشرها
طول مانت عايش حتلاقي طرق وسكك بتتقفل في وشك وانت مش عارف ليه
لما تلاقي باب مقفول وخبطت عليه مره واتنين وعشره ومش عايز يفتح أوعى تفتحه عافيه
وتأكد ان في حاجات كتير حيبقى نفسك توصلها بس مش حتعرف لأنها مش ليك اصلا
يعني ممكن حاجات انت توصلها وتكون شر ليك.. على الرغم انها حتبقى خير مع حد تاني
وحاجات عندك حتبقى خير ممكن تبقى شر مع حد غيرك..
اللهم ابعد عننا كل شر أجله وعاجله
وارزقنا الخير كله أجله وعاجله
وانر بصيرتنا وتب علينا واغفر لنا
يا أرحم الراحمين.