لائيو اسٽاڪ کاتي جي وزير، اعلي اختيارين کان اپيل ڪئي ته فوري طور نوٽيس وٺي جانورن کي ويڪسين لڳاءِ

جهول رپوٽر مير ريحان علي ٽالپر
#جھول_لڳ_لمپي_اسڪن_وائرس_جا_ڪيس
#ڀاڳين_جو_لائيو_اسٽاڪ_کاتي_خلاف_احتجاج

جھول لڳ ڳوٺ فقير امام بخش خاصخيلي، ڳوٺ قائم الدين ڪھيري ء ٻين مختلف ڳوٺن ۾ چوپائي مال م لمپي اسڪن جو وائرس تيزيءَ سان پکڙجي رھيو آھي، متاثرين ڀاڳين موجب ته سندن ڪيترائي ڍور مري ويا، ڪيترائي بيماري ۾ مبتلا آھن، مبينا ويڪسين نه ڪرڻ تي ڀاڳين جو لائيو اسٽاڪ کاتي سانگھڙ جي ويڪسينيٽر عملي خلاف احتجاجي مظاهرو، ويڪسين ھڻڻ لاء رشوت گھرڻ جو الزام،اعلي اختيارين کان نوٽيس وٺي انصاف ۽ ڪاروائيءَ جو مطالبو،،،
خبر موجب
جھول لڳ ڳوٺ فقير امام بخش خاصخيلي، ڳوٺ قائم الدين ڪھيري ۽ ديھ ڳجھيرڻ جي ٻين مختلف ڳوٺن ۾ چوپائي مال ۾ لمپي اسڪن جو وائرس تيزيءَ سان پکڙجي رھيو آھي، جنهن سبب مٺو خاصخيلي جا ٻه ڍور،فرمان جلباڻي جو گابو، فضل مگسي جي ڍڳي ۽ ٻين ڀاڳين جو مختلف ڏھ کان مٿي چوپايو مال مري ويو آھي، جڏھن ته ٻيو ڪيتروئي چوپايو مال وائرس بيماري م مبتلا ٿي زندگيءَ ۽ موت جي جنگ وڙھي رھيو آھي، ان حوالي سان متاثر ڳوٺاڻن ڀاڳين مٺو خاصخيلي، خان خاصخيلي، قائم الدين ڪھيري ۽ ٻين احتجاج ڪندي چيو ته اسان جو مال جيئن ئي وائرس ۾ جھلجي ويو ته اسان سانگھڙ جي لائيو اسٽاڪ کاتي کي فون ڪيا عملو نه آيو انھي بعد اسان اتي ھلي وڃي ويڪسين لاءِ چيو سين تڏھن به ڪو نه آيو جنهن ڪري چوپايو مال تڙپي تڙپي مري ويو، ۽ ٻيو مال جيڪو وائرس ۾ ھينئر مبتلا آهي کي بچائڻ لاءِ اسان زور لاٿا نيٺ ھنن جي ٽيم آئي جيڪا اسان کان ويڪسين ھڻڻ جا پيسا گھري رھي ھئي اسان چيو ڇا جا پيسا ته انھي تي عملي وراڻيو ته پوءِ اسان ويڪسين به نه ٿا ڪريون، احتجاج ڪندڙن وڌيڪ چيو ته ويڪسينيٽر عملو جي اگر ھڪ ھنڌ ڏھ جانورن کي ويڪسين لڳاءِ ٿو ته اتي پنھنجي رپورٽ واري پني ۾ ويھ کان پنجويهه ڍور انٽري ڄاڻاء پيو جنهن تي اسان اعتراض ڪيو ته عملو چڙي پيو، احتجاج ڪندڙن چيو ته ويڪسينيٽر ٽيم جانورن کي ويڪسين نه پئي لڳائي جنهن ڪارڻ اسان جو مال تڙپي پيو اسان ھاري پورھيت آھيون مال جي کير تي گذارو ٿئي ٿو مال وائرس ۾ مبتلا ھجڻ ڪري تمام گھڻو پريشان ۽ معاشي طور مفلوج بڻجي ويا آھيون، احتجاج ڪندڙن سنڌ سرڪار، لائيو اسٽاڪ کاتي جي وزير، انچارج توڙي اعلي اختيارين کان اپيل ڪئي ته فوري طور نوٽيس وٺي جانورن کي ويڪسين لڳاءِ اسان جي چوپائي مال جون زندگيون بچايون وڃن.