CPAC - კონსერვატიული აქტივობანი

CPAC - კონსერვატიული პოლიტიკური მოქმედების კონფერენცია ფუნდამენტურ უფლებათა ცენტრი. ბუდაპეშტი, უნგრეთი. 25-26. 04. 2024 რუსთავი-2. კურიერი. 25. 04. 2024 (15:00) წამყვანი თამარ ურუშაძე სიუჟეტის ავტორი სალომე უერთაშვილი საქართველოს პრემიერ-მინისტრი ირაკლი კობახიძე კონსერვატიული პოლიტიკური მოქმედების კონფერენციაზე სიტყვით გამოვიდა. ირაკლი კობახიძემ ყურადღება რამდენიმე საკითხზე გაამახვილა, თუმცა საკუთარი გამოსვლა დაიწყო იმით, თუ, მისი აზრით, რა არის საქართველოს 3 მთავარი საყრდენი - მამული, ენა და სარწმუნოება. ირაკლი კობახიძის თქმით, ამ სამ საყრდენს ცოტა ხნის წინ საფრთხე შეექმნა. პრემიერის მოსაზრებით, მთელი მსოფლიოს საერთო გამოწვევა არის ის, რომ ლიბერალები რისკის ქვეშ აყენებენ ქვეყნებისა და ერების იდენტობას. გარდა ამისა, ირაკლი კობახიძემ ყურადღება გაამახვილა საქართველოში დაგეგმილ საკონსტიტუციო ცვლილებებზე, რომლის მიზანიც, როგორც მან აღნიშნა, არის არასრულწლოვანთა დაცვა და ოჯახური ღირებულებების გაძლიერება. ირაკლი კობახიძემ თქვა, რომ საქართველოსთვის ეროვნული, რელიგიური და ტრადიციული ღირებულებები არის მნიშვნელოვანი და იმედი გამოთქვა, რომ დაგეგმილი ცვლილებები ოჯახური ფასეულობების გაძლიერებაში და არასრულწლოვანთა დაცვის კუთხით მნიშვნელოვან როლს შეასრულებს. ... ირაკლი კობახიძის შემდეგ კი კონფერენციაზე სიტყვით გამოვიდა უნგრეთის პრემიერ-მინისტრი ვიქტორ ორბანი, რომელმაც აღნიშნა, რომ ქართულ პოლიტიკაში ირაკლი კობახიძე მნიშვნელოვან როლს ასრულებს. სიტყვით გამოსვლის შემდეგ, საქართველოსა და უნგრეთის პრემიერ-მინისტრები ერთმანეთს პირისპირ შეხვდნენ. rustavi2.ge/ka/news/280881 ვიქტორ ორბანის გამოსვლიდან (ალტინფოს ტელეგრამარხი): „ნამდვილად უცნაური ამბავია - 10 მილიონია ჩვენი მოსახლეობა, მოკრძალებული შეიარაღებული ძალები გვყავს, საშუალო მშპ. თუმცაღა, ჩვენი ღირსება არის მთავარი. აქ უნდა ითქვას, რომ რაღაც ძალიან საინტერესო, ძალიან ეგზოტიკური უკავშირდება ამ ქვეყანას. ალბათ ენა - არავის ესმის ჰომოსაპიენსთა შორის როგორ შეიძლება ასეთი უცნაური ენით ისაუბროს ათმა მილიონმა. ეს ხალხი ინახავს ამ ენას, სახელმწიფოს და არ თმობენ დამოუკიდებლობას ერთი ინჩითაც. თუმცაღა ყველაზე მნიშვნელოვანი და საინტერესო ის გახლავთ, რომ მთელი ევროპის ტერიტორიაზე, ლიბერალურმა ცნებებმა გადაუარა და წალეკა კონტინენტი და აქ, ჩვენთან, ნახავთ განსხვავებულ სივრცეს. ეს არის სივრცე, რომელიც ბრიუსელიდან არ იმართება. ის შტორმი, რაც ბრიუსელსა და ვაშინგტონშია, ჩვენთან არ მოქმედებს. ჩვენ წარმატებული, გამარჯვებული ხალხი ვართ და ყოველთვის ასეთები ვიქნებით“, - ამის შესახებ უნგრეთის პრემიერ-მინისტრმა ვიქტორ ორბანმა ბუდაპეშტში, კონსერვატიული პოლიტიკური მოქმედების კონფერენციაზე სიტყვით გამოსვლისას განაცხადა. დასაკრავი სიები: CPAC - კონსერვატიული აქტივობანი მსოფლიო კონსერვატიზმი